en_US
en
off
Mobile View
Desktop View
 
 
 

ماڵپه‌ڕی ڕزگاری

Rizgary.com

 
 
 
 
 
 
 

لێره‌ سه‌رپێچی ئۆتۆمبیله‌كه‌ت بزانه‌

 

بۆ گه‌ڕان له‌ناو ماڵپه‌ڕ له‌خواره‌وه‌ شتێك بنووسه‌

 
 

هه‌موو به‌شه‌كان

 
 
ڕۆژی ئاڵا
1451
 

ڕۆژی ئاڵای کوردستان

لەساڵی ٢٠٠٩دا پەرلەمانی کوردستان‌‌
‌ بڕیاریدا کە ڕۆژی ١٧ی کانوونی یەکەمی ھەموو ساڵێک وەکو ڕۆژی ئاڵا دیاری بکرێت و لەو ڕۆژەدا سەرجەم ئاڵاکانی سەر دامودەزگاکانی ھەرێمی کوردستان بگۆڕدرێن و نوێ بکرێنەوە. ھۆکاری دانانی ئەم ڕۆژەش بۆ ئەوە دەگەڕێتەوە کە لە ١٧ی کانوونی یەکەمی ١٩٤٧ ئاڵای کوردستان لەسەر دامودەزگاکانی کۆماری مەھاباد ھەڵکرا.

ئاڵای کوردستان لە لاکێشەی ئاسۆیی پێکھاتوە، لاکێشەی سەرەوە رەنگی سوورە كه‌وه‌ك ئااژه‌یه‌ك بۆ خوێنی شه‌هیدان دانراوه‌، ئەوەی ناوەند ڕنگی سپی یە كه‌ ئاماژه‌ به‌ئاشتی و ئارامییه‌، و لاکێشەی خوارەوە ڕەنگی سەوزە كه‌ هێمای سه‌وزی كوردستان و وه‌رزی به‌هاره‌. بەرینی ئاڵا دوو لەسەر سێ درێژییەکەیەتی. لەساڵی (2009)دا پەرلەمانی كوردستان بڕیاریدا، ڕۆژی (17)ی كانوونی یەكەمی‌ هەموو ساڵێك, ڕۆژی‌ ئاڵای‌ كوردستان لەسەرجەم شارو شارۆچكەكانی‌ هەرێمی‌ كوردستان بكرێتەوە.
‌‌

دروشمی نەتەوەیی ئاڵای کوردستان خۆری زێڕینە، ئەم خۆرە ٢١ پەڕ (تیشک)ی یەکسان و ھاوشێوەی ھەیە. بە لەبەرچاوگرتنی دوو لەسەر سێ یەتی قەبارەی ئاڵا، خۆری زێڕین بە پەڕەکانییەوە یەک پێوەرە و بەبێ پەڕەکان نیو پێوەر، ئەم پەڕانە شێوەیان ڕاستە و لە دەرەوە خالێکی تیژ دروست دەکەن. خۆرەکە دەبێ ڕێک لە‌ چەق (ناوەندی) ئاڵای کورستان جێگیر بێت. خۆر بەشێوەیەک جێگیر کراوە کە ستوونی ناوەندی ئاڵا بە ناو خاڵی تیژی بەرزترین پەڕ(تیشک) تێدەپەڕێت ئه‌م 21په‌ڕه‌ش ئاماژه‌یه‌ بۆ 21ی3ی هه‌موو ساڵێك كه‌سه‌ره‌تای ساڵی كوردییه‌

ڕۆژی ئاڵای كوردستان